ՀՀ ԱԺ ֆինանսավարկային եւ բյուջետային հարցերի մշտական հանձնաժողովի հունիսի 9-ի նիստում քննարկվեց ՀՀ հաշվեքննիչ պալատի 2020 թվականի գործունեության վերաբերյալ տարեկան հաղորդումը:
Հաղորդումն ամբողջությամբ՝ այստեղ:
Ըստ ՀՀ հաշվեքննիչ պալատի նախագահ Լեւոն Յոլյանի՝ հաղորդումը համառոտ արտացոլում է պալատի 2020-ի տարեկան ծրագրի շրջանակներում իրականացված գործունեության հիմնական ընթացքը եւ արդյունքները. «Հաշվետու տարին բարդ էր նաեւ մեզ համար. համավարակի, այնուհետեւ նաեւ պատերազմի պատճառով մենք աշխատել ենք սահմանափակ պայմաններում: Ստեղծված իրավիճակում պալատը որոշել է մի շարք մեծածավալ, հանրային հնչեղություն ու հետաքրքրություն ունեցող հաշվեքննությունները (ՊԵԿ-ի, Կենսաթոշակային համակարգի, Պաշտպանության ու Առողջապահության նախարարությունների) շարունակել եւ ավարտին հասցնել արդեն 2021-ի առաջիկա ամիսներին:
Զեկուցողի խոսքով՝ հաջողվել է ավարտին հասցնել եւ տարեկան հաղորդմամբ ներկայացնել տասնյակից ավելի հաշվեքննության արդյունքներ:
Կարդացեք նաև
2020-ին կառույցի հաշվեքննության շրջանակը ներառել է աշխատանքի եւ սոցիալական ապահովության, ջրային, ոստիկանության, բարձր տեխնոլոգիական արդյունաբերության, բնապահպանության, արտակարգ իրավիճակների, մշակույթի, ճանապարհաշինության, համայնքային եւ այլ ոլորտները:
Բացահայտված որոշ խախտումների վերաբերյալ նյութերն ուղարկվել են Դատախազություն, կան հարուցված գործեր: Կառույցի գնահատմամբ՝ պետությանը հասցված վնասի չափը կազմում է 3.4 մլրդ դրամ:
ՀՀ Ազգային ժողով
