Կառավարության գործունեության 2022-2026 թթ. ծրագիրը ներկայացնելուց հետո «Ազատություն» կուսակցության նախագահ Հրանտ Բագրատյանը պատասխանեց ներկաների բազմաբնույթ հարցերին:
Հարցին, թե ներկայացված տնտեսական ծրագրի կետերն իրականացնելու համար որքա՞ն ժամանակ հարկավոր կլինի, տեղյակ լինելով ներկայիս տնտեսության վիճակին՝ գումար որտեղի՞ց է հայթայթելու եւ եթե իրենք չդառնան իշխանություն, պատրա՞ստ է այդ ծրագրով կիսվել իշխանության նոր ուժերի կամ ներկայիս իշխանության հետ, եթե վերջինը վերարտադրվի, նա պատասխանեց. «Ներկա իշխանության հետ չեմ պատրաստվում որեւէ բան կիսել կամ քննարկել, որովհետեւ արել, փորձել ենք: Դա անհնարին է այդ մարդու հետ: Ես միանշանակ հոգեմետության խնդիր եմ տեսնում: Ցանկացած այլ ուժի հետ՝ սիրում եմ, թե չեմ սիրում, կարող եմ կիսվել:
Ինչ վերաբերում է գումարին, հինգ տարում պետք է գալու $ 10 միլիարդ: 2,5 միլիարդը կվերցնենք բյուջեից, 5 միլիարդը կլինի մաքուր պարտք, որը արտաքին պարտքը կհասցնի առնվազն 13 միլիարդի սահմանին, եւ հույս ունեմ, որ ինվեստիցիան, ֆոնդ եւ այլն, պետությունը կարող է ներգրավել 2,5 միլիարդ: Բայց սա նշանակում է լուրջ գործով զբաղվել, սա նաեւ նշանակում է, որ առանձին տարիների տնտեսական աճը կկազմի 10-11 %: Եվ սա նշանակում է, որ ռիսկեր կան: Ռիսկեր չկան միայն գերեզմանոցներում»:
Կարդացեք նաև
Աշոտ ՀԱԿՈԲՅԱՆ
