Լեռնային Ղարաբաղի կարգավիճակի հարցն անհրաժեշտ է համաձայնեցնել ԵԱՀԿ Մինսկի խմբի համանախագահների մասնակցությամբ, բայց այժմ անհրաժեշտ է շեշտադրություն անել ոչ թե դրա, այլ տարածաշրջան խաղաղ կյանք վերադարձնելու վրա: Այս մասին հայտարարել է Ռուսաստանի արտգործնախարար Սերգեյ Լավրովը «Պրիմակովյան ընթերցումներ» ֆորումի ժամանակ:
«Ես հասկանում եմ, որ հիմա շատերը խոսում են այն մասին, որ Լեռնային Ղարաբաղի կարգավիճակի հարցը մնացել է չլուծված: Դա պետք է վերջնականապես համաձայնեցնել ԵԱՀԿ Մինսկի խմբի համանախագահների հետ, որոնք այս փուլում թերևս ոչ թե պետք է գրգռեն կարգավիճակի հարցը, այլ նպաստեն վստահության միջոցների ամրապնդմանը, մարդասիրական հարցերի լուծմանը, այն բանին, որ հայերն ու ադրբեջանցիները կրկին սկսեն ապրել անվտանգության և տնտեսական բարօրության մեջ: Եվ այդ ժամանակ, ես ձեզ վստահեցնում եմ, երկու-երեք տարի հետո, եթե մենք այդպիսի կյանք ձևավորենք, կարգավիճակի մասին բոլոր խնդիրները կլուծվեն շատ ավելի հեշտ», ասել է Լավրովը:
Պատրաստեց Վիկտորյա ԱՆԴՐԵԱՍՅԱՆԸ
