«94թ․-ից հետո մենք չենք ունեցել գերիներ, եւ ադրբեջանցիները ռիսկ չունեին դա անելու։ Ես չեմ ասում, թե հրաձգություն չի եղել, թե չեն փորձել դիվերսիա անել, այդ ամենը եղել է, բայց գերինե՞ր»,-Արագածոտնի մարզում այսօր «Պատիվ ունեմ» դաշինքի ընտրողների հետ հանդիպմանը հայտարարեց ՀՀ երրորդ նախագահ, ՀՀԿ նախագահ Սերժ Սարգսյանը։ «Ու դրանից հետո այս․․․չգիտեմ էլ ինչ անուն տամ․․․աննամուսն ասում է, թե մեր գերիները երկու ամիս էլ կհամբերեն։
Այնքան է լկտիացել նրանից, որ իրեն շատ բան է ներվել։ Բա դա մարդ է՞․․․խելք չունի՞»,-հարցադրումներ արեց Սերժ Սարգսյանը։
Նա շարունակեց․ «Չի հասկանո՞ւմ, որ այդ մարդիկ ամեն օր սպասում են, թե երբ են իրենց սպանելու, բռնաբարելու եւ խոշտանգելու։ Պետք է թքես նման ղեկավարի վրա։ Ես հիմա ասում եմ՝ թող հիմա իր երեխային տանի տա, տեղը 20-25 ռազմագերի հետ բերի։ Տեսնեմ դրանից հետո նույն կերպ կխոսի՞ ռազմագերիների մասին։ Իր համար ի՞նչ տարբերություն։ Իր երեխաներին միշտ օգտագործել է իր PR-ի համար։ Գոնե հիմա օգուտ կունենանք, մի քանի տասնյակ զինվոր հետ կգա։ Պարզ է, չէ՞, որ չի անի նման բան։ Կրկնում եմ՝ իր Աշոտիկին թող տա, փոխարենը 20-25 ռազմագերի հետ ստանա»։
Կարդացեք նաև
Լուիզա ՍՈՒՔԻԱՍՅԱՆ
