Ռուսաստանի արտգործնախարար Սերգեյ Լավրովը հեռախոսազրույց է ունեցել Ֆրանսիայի՝ Եվրոպայի և արտաքին գործերի նախարար Ժան Իվ Լե Դղիանի և Գերմանիայի արտգործնախարար Հեյկո Մաասի հետ:
Արտգործնախարարները քննարկել են Լեռնային Ղարաբաղի շուրջ և հայ-ադրբեջանական սահմանին տիրող իրավիճակը, ինչպես նաև 2020թ. նոյեմբերի 9-ին և 2021թ. հունվարի 11-ին Ադրբեջանի, Հայաստանի և Ռուսաստանի առաջնորդների հայտարարությունների դրույթների իրականացման ընթացքը:
Կողմերն ընդգծել են կրակի դադարեցման խիստ պահպանման և առաջ եկած տարաձայնությունները քաղաքական-դիվանագիտական ճանապարհով լուծելու անհրաժեշտությունը:
Նրանք նաև վերահաստատել են ԵԱՀԿ Մինսկի խմբի դերը Հայաստանի և Ադրբեջանի միջև բանակցային գործընթացում:
Կարդացեք նաև
Ռուսական կողմն ընդգծել է, որ միջազգային կազմակերպությունների ցանկացած ներգրավում հնարավոր է միայն Բաքվի և Երևանի համաձայնությամբ:
Պատրաստեց Վիկտորյա ԱՆԴՐԵԱՍՅԱՆԸ
