«Չէ, չենք ներելու»,- այսօր Գորիսում «Հայաստան» դաշինքի նախընտրական հանրահավաքի ժամանակ իր ելույթում ասաց դաշինքի ներկայացուցիչ Աննա Գրիգորյանը՝ արձագանքելով Նիկոլ Փաշինյանի այն հայտարարությանը, որ մեր գերիները մեզ կներեն, եթե հանուն Հայաստանի ինքնիշխանության մեկ-երկու ամիս ավելի մնան գերության մեջ։
Աննա Գրիգորյան
Հիշեցնենք՝ Աննա Գրիգորյանը «Իմ քայլի» ընտրացուցակով ընտրված պատգամավոր էր, որը վերջերս համալրեց «Հայաստան» դաշինքի ցուցակը։
Աննա Գրիգորյանի գնահատմամբ՝ իրավիճակը իսկապես շատ ծանր է եւ անհապաղ քայլեր ու ջանքեր են պահանջվում այն շտկելու համար։ Իր հերթին խոստացավ հավատարիմ լինել ազգային եւ պետական շահին։ Ասաց, որ հունիսի 20-ից հետո պոպուլիզմ չի լինելու, քաոսին փոխարինելու է կառավարելիությունը եւ կանխատեսելիությունը։
Դաշինքի անդամ, ՀՅԴ ԳՄ ներկայացուցիչ Իշխան Սաղաթելյանն էլ հայտարարեց, որ մեր երկրում անարխիա չի լինելու, լինելու է արդարադատություն. «Քաջ Նազարը շրջում է գյուղերում եւ ասում է, որ պատրաստ է գնդակահարվել, եթե ժողովուրդն այդպես ցանկանա։ Գնդակահարությամբ չեք պրծնելու։ Մեր երկրում անարխիա չի լինելու, լինելու է արդարադատություն»։
Կարդացեք նաև
Այլ մանրամասները՝ տեսանյութում։
Նելլի ԳՐԻԳՈՐՅԱՆ
Լուսանկարները՝ «Հայաստան» դաշինքի ֆեյսբուքյան էջից
