Հունիսի 8-ին ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը հանդիպեց ՀՀ-ում Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ եւ լիազոր դեսպան Ջոն Գալագերի հետ:
Ողջունելով հյուրին՝ Թունյանը շնորհավորեց Գալագերին մեր երկրում դեսպան նշանակվելու կապակցությամբ եւ վստահություն հայտնեց, որ վերջինս իր պաշտոնավարման ընթացքում կնպաստի հայ-բրիտանական հարաբերությունների զարգացմանը:
Զրուցակիցները քննարկեցին տնտեսական ոլորտում երկկողմ փոխգործակցությանը վերաբերող հարցեր: Դեսպանը խորհրդարանի օրենսդրական աշխատանքների բարելավման հարցում մասնագիտական աջակցություն տրամադրելու պատրաստակամություն հայտնեց:
Անդրադարձ եղավ հունիսին տեղի ունենալիք արտահերթ խորհրդարանական ընտրությունների անցկացմանը:
Կարդացեք նաև
Ազգային ժողով
