Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի ֆեյսբուքյան գրառումը
ԴԻՄԱՆԱԼՈՒ ՉԻ
Պաշտոնակար կոչեցյալն ատում է Հայաստանը, հայոց պետությունը, պետական կառույցները և հատկապես բանակը։
Արդեն որերորդ անգամ նա վարկաբեկում է հայոց զինված ուժերը և վիրավորում բոլոր նրանց ովքեր ծառայել են բանակում, կոփել հաղթանակներ, պաշտպանել մեր սահմանները։ Մի քանի օր առաջ էս պաշտոնակատար կոչված երևույթն ասաց, թե բանակում զինվորներն անասնակեր էին ուտում։ Այսօր էլ, թե «կանֆետը շպրտում էին, զինվորը ճանկռելով այդ կանֆետի հետևից վազում էր»։
Կարդացեք նաև
Արդեն դիմանալու չէ, պետք է պատասխանեմ․
-Ա՛յ պաշտոնակատար կոչված, որդիս ծառայել է Ջեբրաիլում, օր ու գիշեր սահմանն է հսկել, որ դու Երևանում, որպես ընդդիմադիր հանգիստ ղժղժաս։ Տղաս երբեք չի դժգոհել զինվորական խոհանոցից։ Քաղցրավենիքի պակաս էլ չեն ունեցել, անհրաժեշտության դեպքում կրպակից գնել են։ Այո՛, երբեմն մենք նրան ծանրոց ենք ուղարկել, որտեղ նաև քաղցրավենիք է եղել։
Քո այդ խոսքերով դու վիրավորում ես ոչ միայն զինվորներին, այլև նրանց ընտանիքներին և հայոց պետությանը։
Իհարկե, քո և քեզ շրջապատող դասալիք-մանկուրտների համար բանակում ծառայելն ամոթ է, «էդ էր պակաս, խի, ես հարի՞ֆ եմ»։
․․․Պատկերացնում եմ, թե ինչպես է պաշտոնակատար կոչեցյալը փոքր տարիքում ճանկռելով վազել «կանֆետի» ետևից։
