«Արցախի անկախությունը իմ իշխանության ժամանակ չէինք ճանաչում, քանի որ դա կլիներ նոր պատերազմի սկիզբ»,- այսօր Մեղրիում պատասխանելով հանդիպման մասնակիցներից մեկի հարցին՝ ասաց «Հայաստան» դաշինքը գլխավորող ՀՀ երկրորդ նախագահ Ռոբերտ Քոչարյանը։ Նա համոզմունք հայտնեց, որ եթե Նիկոլ Փաշինյանի գլխավորած ուժը Հայաստանում չգար իշխանության, մենք դեռեւս խաղաղ բանակցելու 30 տարվա ռեսուրս ունեինք։
Այլ մանրամասները՝ տեսանյութում։
Մեղրիում հանդիպման ժամանակ Ռոբերտ Քոչարյանը նաեւ ասաց, որ զարմացած էր, թե ինչպես այս իշխանությունը կարողացավ «նման պրիմիտիվ տարբերակով» խաբել հայ ժողովրդին, այն պարագայում, երբ աշխարհի ոչ մի ժողովուրդ հայերին միամիտ չի համարում, ավելին՝ հայերին համարում են խորամանկ եւ «շուստրի»։ «Սա խաբել էլ չի, սա ապուշացնել է»,- ասաց Ռոբերտ Քոչարյանը, հավելելով, որ իշխանությունը հարկեր է հավաքում ժողովրդից եւ «ձեր փողով ձեզ ապուշացնում է»։
Կարդացեք նաև
Հանդիպման վերջում Մեղրիի քաղաքապետ Մխիթար Զաքարյանը հորդորեց վստահել «Հայաստան» դաշինքին եւ ասաց, որ «հնարավոր անհաջողության դեպքում Մեղրիում մեղավորը լինելու եմ ես»։
Նելլի ԳՐԻԳՈՐՅԱՆ
