Այսօր առավոտյան «Գյումրի» բժշկական կենտրոն են տեղափոխել Գյումրիում տեղակայված զորամասերից մեկի երկու զինծառայողի՝ քիմիական այրվածքներով։ Նրանք երկուսն էլ ազգությամբ հայ են։
Նրանցից մեկը Գյումրիի բնակիչ Ա․Վ․-ն է՝ ծնված 1982 թվականին, որը ստացել է աջ բազկի, զույգ ստորին վերջույթների առաջին, երկրորդ աստիճանի քիմիական այրվածք՝ մարմնի 7 տոկոս ախտահարմամբ։
Մյուսը Լուսաղբյուր գյուղի բնակիչ Մ․Ս․-ն է՝ 1966 թվականին ծնված: Նա էլ դեմքի, աչքերի, զույգ վերին և ստորին վերջույթների երկրորդ, երրորդ աստիճանի քիմիական վնասվածք է ստացել՝ մարմնի 16 տոկոս ախտահարմամբ։
Այս մասին մեզ տեղեկացրեց «Գյումրի» բժշկական կենտրոնի փոխտնօրեն Արմեն Խաչատրյանը։ Նա ասաց, որ տուժածներին ցույց է տրվել առաջին բուժօգնություն, նրանց տեղափոխել են մայրաքաղաք՝ մասնագիտացված կլինիկա։
Կարդացեք նաև
Նունե ԱՐԵՎՇԱՏՅԱՆ
