Այսօր 2020-ի պետական բյուջեի կատարման տարեկան հաշվետվության քննարկումների ժամանակ ԱԺ հանձնաժողովների համատեղ նիստում վարչապետի աշխատակազմի ղեկավար Արսեն Թորոսյանը խոսեց թերակատարված ծրագրերից: Առաջինը պետական արդիականացման ծրագիրն է, էլեկտրոնային իրավական ակտերի համակարգի ներդրման ծրագիրը կիսատ է մնացել: Շահառուները չեն վերապատրաստվել: Բացի այդ, Համաշխարհային բանկի աջակցությամբ առեւտրի եւ ենթակառուցվածքների զարգացման ծրագրի շրջանակներում սարքավորումների ձեռքբերման միջոցառման իրականացման հարցում են թերակատարում ունեցել, 3,6%-ով են կատարել: Հետաձգվել է սարքավորումների տեղադրումը, մասնագետների վերապատրաստումը, որովհետեւ ճանապարհները փակ են եղել, խնդիրներ են առաջացել:
Ընդհանուր առմամբ, վարչապետի աշխատակազմին հատկացվել էր շուրջ 23,7 մլրդ դրամ՝ 11 ծրագիր իրականացնելու համար, սակայն հաստատված ծրագրով 26 մլրդ է կազմել՝ 10 ծրագիր իրականացնելու համար, արդյունքում 18,5 մլրդ են ծախսել:
Հռիփսիմե ՋԵԲԵՋՅԱՆ
