«Դաշինքը, որի թեկնածու է Աննա Գրիգորյանը, դրա առաջնորդ Ռոբերտ Քոչարյանն օրերս նման արտահայտություն է արել, թե այս խորհրդարանը վախենում է իրենից։ Տիկին Գրիգորյան, ձեր առաջնորդի ինչի՞ց պետք է վախենա այս խորհրդարանը»,-ԱԺ արտահերթ նիստում այսօր «Իմ քայլից» դուրս եկած պատգամավոր Աննա Գրիգորյանին հարցադրում արեց «Իմ քայլի» պատգամավոր Վահագն Ալեքսանյանը։
«Ինչի՞ց վախենա՝ «Իզմիրլյանից» տրված խիստ սպեցիֆիկ տեղեկանքների՞ց․․․թե ՀՀ պատմության մեջ բացառիկ տգիտությունից։ Տիկին Գրիգորյան, ձեր առաջնորդին թերապեւտի մոտ տարեք՝ վախի հաղթահարման, ու կուղարկեք հանրային հեռուստաընկերություն՝ բանավեճի։ Անպայման կուղարկեք։ «Իզմիրլյանից» որեւէ տեղեկանք այս դեպքում չի օգնելու։ Կամ վախենում է, կամ չի վախենում ու գալիս է։ Ես լավ թերապեւտի կարող եմ խորհուրդ տալ»,-հավելեց Վահագն Ալեքսանյանը։
Նրա ելույթից հետո դահլիճում ծափեր հնչեցին։
Կարդացեք նաև
Լուիզա ՍՈՒՔԻԱՍՅԱՆ
