Պաշտոնական Փարիզը նպատակադրված է ամրապնդել երկկողմ հարաբերությունները Բաքվի հետ և պատրաստ է աջակցել Հայաստանի և Ադրբեջանի միջև ամուր խաղաղության ամրապնդմանը: Այդ մասին ասվում է Ֆրանսիայի նախագահ Էմանուել Մակրոնի՝ Ադրբեջանի նախագահ Իլհամ Ալիևին վեց օր ուշացումով ուղղված նամակում՝ կապված այդ երկրի Հանրապետության օրվա հետ, որը նշվում է մայիսի 28-ին:
«2020թ. նոյեմբերի 9-ի եռակողմ հայտարարության ստորագրումից վեց ամիս անց… անհրաժեշտ է շարունակել խորը աշխատանքը ամուր խաղաղության համար պայմաններ ստեղծելու համար: Դա նշանակում է, մասնավորապես իրականացնել Հայաստանի և Ադրբեջանի միջև սահմանների խաղաղ սահմանազատում և ռազմագերիների միավորում իրենց հարազատների հետ»,- ասել է Մակրոնը:
Մակրոնը նշել է, որ Փարիզը հավատարիմ է ԵԱՀԿ ՄԻնսկի խմբի համանախագահության շրջանակում ստանձնած հանձնառություններին՝ Ֆրանսիայի հովանու ներքո բարձր մակարդակով երկխոսություն սկսել, և որ «արդար, ամուր խաղաղություն և ընդհանուր բարգավաճում կարող է լինել Հայաստանի և Ադրբեջանի միջև»:
Պատրաստեց՝ Վիկտորյա ԱՆԴՐԵԱՍՅԱՆԸ
