ԹԻՀԿ-ն 2021թ հունիսի 20-ին կայանալիք արտահերթ խորհրդարանական ընտրություններին ընդառաջ նախատեսում է քարտեզագրել ընտրություններին առաջադրվող կուսակցությունների և կուսակցությունների դաշինքների դիրքորոշումները հանրությանը ներկայում մտահոգող մի շարք մարտահրավերների և դրանց լուծումների առնչությամբ:
Ներկայացվող հարցաշարն ուղարկվել է ՀՀ Ազգային ժողովի ընտրություններին առաջադրված կուսակցություններին և կուսակցությունների դաշինքներին։ Հարցման պատասխաններն ակնկալվում են մինչև ս.թ. հունիսի 6-ը։
Հարցում
1.Որո՞նք են Ձեր քաղաքական թիմի ծրագրային առաջնահերթությունները գալիք 5 տարիների համար:
Կարդացեք նաև
2.Ո՞րն է Ձեր քաղաքական թիմի մոտեցումը առաջիկա 5 տարում ՀՀ Սահմանադրության հնարավոր փոփոխության առնչությամբ:
3.Ինչպիսի՞ն պետք է լինի կառավարման համակարգը Հայաստանում:
4.Ինչպե՞ս եք պատկերացնում պաշտպանության համակարգը Հայաստանի Հանրապետությունում:
5.Ինչպիսի՞ն պետք է լինի Հայաստանի դիրքավորումը անվտանգության ոլորտում հարաբերությունների առումով:
6.Ինչպիսի՞ն պետք է լինեն Հայաստանի հարաբերությունները Ռուսաստանի հետ:
7.Ինչպիսի՞ն պետք է լինեն Հայաստանի հարաբերությունները այլ երկրների հետ:
8.Ինչպիսի՞ն պետք է լինեն Հայաստանի հարաբերությունները Թուրքիայի հետ:
9.Ինչպե՞ս պետք է զարգանան Հայաստանի և Ադրբեջանի միջև հարաբերությունները առաջիկա 5 տարիներին:
10.Ինչպիսի՞ն է Ձեր դիրքորոշումը միջազգային իրավական գործիքակազմ օգտագործելու առումով:
11.Ինչպիսի՞ն է Ձեր դիրքորոշումը սահմանազատման/սահմանանշման հարցի վերաբերյալ:
12.Ինչպիսի՞ն է Ձեր դիրքորոշումը տրանսպորտային ուղիների/ենթակառուցվածքների ապաշրջափակման հարցի վերաբերյալ:
13.Ինչպիսի՞ն եք տեսնում Արցախի տարածքի վերականգնման հնարավորությունները առաջիկա 5-10 տարիներին:
14.Ինչպիսի՞ հիմնական քաղաքականություն եք առաջարկում վարել առաջիկա 5 տարում՝ նախորդ հարցի Ձեր կողմից նշված պատասխանի լուծմանը հասնելու համար:
15.Արցախի ինչպիսի՞ կարգավիճակի ուղղությամբ եք պատրաստվում աշխատել՝ առաջիկա 5 տարում:
16.Ինչպիսի՞ն պետք է լինի Մինսկի խմբի դերակատարումը արցախյան հակամարտության կարգավորման հարցում:
17.Ինչպիսի՞ն պետք է լինի խաղաղապահ առաքելությունն Արցախում
18.Ի՞նչ ուղղությամբ է պետք զարգացնել հակակոռուպցիոն քաղաքականությունը
19.Առաջնահերթ ի՞նչ միջոցառումներ եք կարևորում՝ կոռուպցիայի դեմ պայքարը ավելի արդյունավետ դարձնելու համար:
20.Ի՞նչպիսի դիրքորոշում ունեք խոշոր գործարարներին կուսակցությունների նախընտրական ցուցակներում ընդգրկելու, ՀՀ ազգային ժողովում ընտրվելու կամ այլ պետական պաշտոններում նշանակելու առումով:
21.Հարկման տարբերակներից ո՞րն է Ձեր տեսանկյունից առավել նպատակահարմար կիրառել Հայաստանում:
22.Որո՞նք եք համարում Հայաստանի տնտեսության առաջնահերթ 5 ճյուղերը, որոնց զարգացման ուղղությամբ պետք է աշխատել առաջիկա տարիներին:
23.Ինչպիսի՞ն եք տեսնում ռազմավարական նշանակության ձեռնարկությունների (նկատի ունենալով՝ երկաթգիծ, օդանավակայան, էներգիկ համակարգ, ջրամատակարարում, հեռահաղորդակցություն և այլն) սեփականությունը և կառավարումը/գործարկումը:
24.Ինչպիսի՞ն պետք է լինի հանքարդյունաբերության նկատմամբ պետության մոտեցումը:
25.Ինչպիսի՞ քայլեր է պետք ձեռնարկել հասարակության ներսում և հանրային կառավարման գործընթացում ատելության և անհանդուրժողականության մթնոլորտը հաղթահարելու և համերաշխություն հաստատելու համար:
26.Ինչպիսի՞ն եք տեսնում քաղաքացիական հասարակության դերը Հայաստանում:
