«Տիկին Նազարյան, վստահ եմ, որ ունեք զգացմունքներ։ Անկախ նրանից, թե որ քաղաքական թիմում եք, դուք մայր եք եւ կին։ Տիկին Թովմասյանը խոսել է իր զգացմունքներից, խոսել է որպես քաղաքական գործիչ, որպես մայր․․․իսկ ձեր արձագա՞նքն ինչպիսին էր»,-ԱԺ արտահերթ նիստում այսօր դիմելով ԱԺ փոխխոսնակ Լենա Նազարյանին՝ ասաց «Իմ քայլից» դուրս եկած պատգամավոր Աննա Գրիգորյանը։
Հիշեցնենք, որ պատգամավոր Թագուհի Թովմասյանին «իձիոտկա» անվանելուց հետո, ի պատասխան նրա՝ ներողություն խնդրելու պահանջի, Լենա Նազարյանն ասել էր՝ եթե ինքը չի արտահայտվում իրավիճակի մասին, դա չի նշանակում, թե ոչինչ չի զգում, թե զգացմունքներ չունի։
Աննա Գրիգորյանը հարցադրում արեց՝ ո՞վ է պատասխան տալու զինվորների դիերի անարգման կամ թշնամու կողմից ՀՀ ներխուժման համար։ «Փոխանակ դժգոհություն արտահայտեք իրավիճակի վերաբերյալ, գործընկերոջն եք վիրավորո՞ւմ։ Վերանայեք ձեր վարքագիծը»,-Լենա Նազարյանին կոչ արեց Աննա Գրիգորյանը։
Ապա «Իմ քայլից» Նազելի Բաղդասարյանն իշխանությանը քննադատող պատգամավորներին ասաց․ «Դուք իշխանության մաս էիք, «Իմ քայլի» պատգամավորներ էինք, բա մնայիք իշխանությունում եւ այս բեռը կրեիք, ոչ թե օր առաջ դուրս գայիք ու մոռանայիք ձեր քաղաքական անցյալը»։
Կարդացեք նաև
Լուիզա ՍՈՒՔԻԱՍՅԱՆ
