Օրերս Մոսկվայում ադրբեջանցիների կողմից հարձակման ենթարկված հայ երիտասարդին՝ Աշոտ Սարգսյանին, դեռ չեն վիրահատել: Նա ունի ծնոտի երկկողմանի կոտրվածք ու գլխի վնասվածք եւ ներկայում գտնվում է հիվանդանոցում: Աշոտ Սարգսյանը «Հրապարակի» հետ զրույցում հայտնեց, որ ինքնազգացողությունը նորմալ է, վիրահատությունը նշանակված է հունիսի 2-ին:
Հարձակումը եւ դրան հետեւած հայ երիտասարդի ծեծն ադրբեջանցիների կողմից տեղի են ունեցել մայիսի 27-ին: Ոստիկանությունը բերման էր ենթարկել ադրբեջանցիներից մեկին:
Աշոտ Սարգսյանը մայիսի 27-ին միայնակ պիկետ է իրականացնելիս եղել Ռուսաստանում Ադրբեջանի դեսպանատան դիմաց, պահանջել է ազատել հայ ռազմագերիներին: 13։30-ին մոտ նրան է մոտեցել անհայտ անձ, որը, ենթադրաբար, ադրբեջանցի է եղել եւ լեզվակռիվ է սկսել՝ սադրելով հայ երիտասարդին: «Ամեն ինչ շատ արագ տեղի ունեցավ, նա սկսեց հարվածներ հասցնել ինձ, եւ մի քանի վայրկյանից արդեն շատ ադրբեջանցիներ եկան, քանի որ իրենց դեսպանատան մոտ էր: Չեմ բացառում, որ ամենը պլանավորված էր»,- ասում է Աշոտ Սարգսյանը:
Իր վրա հարձակվող ադրբեջանցիների հետագա ճակատագրի մասին նա ոչինչ չգիտի, մինչ այս պահը փաստաբան չունի:
Կարդացեք նաև
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» թերթի այսօրվա համարում:
