«Այսօրվա դաժան իրավիճակում մեր պատկերացումն այն է, որ հնարավոր է ԼՂԻՄ սահմաններում՝ Բերձորի միջանցքով, ապահովել ինքնորոշման իրավունքի իրացում, սակայն դրա համար մեծագույն ջանքեր են պահանջվում»,-«Հենարան» մամուլի ակումբում լրագրողների հետ հանդիպմանն այսօր հայտարարեց ՀՀԿ ԳՄ անդամ, ԱԺ նախկին պատգամավոր Գագիկ Մինասյանը։
«Ադրբեջանն այս լուծումը երեք տարի առաջ խնդրում էր, իսկ հիմա, այս ավերածություններից, այս դավաճան իշխանության արածներից հետո մեծագույն ջանքեր են պետք, որպեսզի վերադարձնենք Հադրութը, Շուշին։ Հիշո՞ւմ եք, թե ինչ էր Նիկոլ Փաշինյանն ասում Շուշիի մասին։ Իրականում ինքն է դժգույն ու դժբախտ, նա այդպիսի օրեր ու կյանք տվեց տասնյակ հազարավորներիս»,-ասաց Գագիկ Մինասյանը։
Նա վերոնշյալը վերականգնելու հնարավորությունը տեսնում է դիվանագիտական ճանապարհով․ «Չափազանց բարդ է լինելու, որովհետեւ այդտեղ ադրբեջանական զորքն է, բայց դա հնարավոր է»։
Կարդացեք նաև
Լուիզա ՍՈՒՔԻԱՍՅԱՆ
