«Կուզեի՝ քաղաքական պատասխանատվություն դրսեւորվեր։ Պատասխան պետք է տան քաղաքական իմաստով, թե չէ ծառայողական քննություն են նշանակել, երկու հոգու ազատել, բայց նման նուրբ հարցում, նման կարեւոր հարցում այդպիսի պահվածքը, քաոսային վերաբերմունքը․․․իրենք շատ լավ գիտեն, թե դա որքան նուրբ հարց է ծնողների եւ ժողովրդի համար, ո՞նց կարելի է նման կերպ վերաբերվել»,-խորհրդարանում լրագրողների հետ ճեպազրույցում այսօր ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով այն փաստին, որ առողջապահության նախարարի պաշտոնակատար Անահիտ Ավանեսյանը ներողություն է խնդրել՝ պատերազմում զոհված հայորդիների դիերի ոչ պատշաճ պահման առիթով։
«Հունիսի 20-ին Նիկոլ Փաշինյանի «դատն» է։ Թող ժողովուրդն այս բոլոր դեպքերով հանդերձ՝ գնա եւ այդ դատը տեսնի, այլ տարբերակ չգիտեմ։ Ի պատիվ այդ նախարարի, նա ներողություն է խնդրել։ Ես չգիտեմ իրենցից մեկ այլ նախարարի, որ ինչ-որ հարցով ներողություն խնդրեր։ Այլ է հարցը՝ այդ ներողությունը որեւէ մեկին պե՞տք է, թե ոչ»,-հարցադրում արեց Էդմոն Մարուքյանը։
Հիշեցնենք՝ անհետ կորածների ծնողների «Լույսի ճրագ» ֆեյսբուքյան էջը տեսանյութ էր հրապարակել, որում հերոսների մարմինները պոլիէթիլենային տոպրակներով նետված են հատակին։
Կարդացեք նաև
Լուիզա ՍՈՒՔԻԱՍՅԱՆ
