ԱՀ ԱԺ նախագահ Արթուր Թովմասյանը շնորհավորական ուղերձ է հղել երեխաների պաշտպանության օրվա առթիվ
Իմ սիրելի՝ փոքրիկ բարեկամներ
Ի սրտե շնորհավորում եմ Ձեզ՝ Ձեր կյանքում առանձնացող ամենալուսավոր տոնի՝ Երեխաների իրավունքների պաշտպանության միջազգային օրվա առթիվ:
Դուք եք մեր ապագան, Արցախ աշխարհի լուսավոր գալիքը:
Կարդացեք նաև
Մենք՝ մեծերս, կյանքում ունենք կարևորագույն առաքելություն և պարտականություն՝ ստեղծել բարեկեցիկ պայմաններ ձեր առողջության, կրթության համար, պաշտպանել ձեր իրավունքներն ու լավագույն շահերը՝ ձեր մանկությունը դարձնելով լիարժեք ու ապահով:
Դուք ձեր անկեղծությամբ ու անմիջականությամբ, մանկական մաքրությամբ երփնավառ գույներով զարդարում եք ձեր ծնողների, հարազատների, երկրի առօրյան:
Ամառնամուտի այս ջերմ տոնի առիթով կրկին շնորհավորում եմ մեր փոքրիկներին, մաղթում անվրդով երկինք, անհոգ մանկություն, քաջառողջություն, ընտանեկան սեր, ջերմություն, բարեկեցություն:
Արցախի Հանրապետության Ազգային ժողովի լրատվության և հանրության հետ կապերի բաժին
