«Ժողովրդավարական համախմբում» կուսակցության հայտարարությունը ԱԳՆ Արա Այվազյանի հրաժարականի վերաբերյալ
Սույն թվականի մայիսի 31-ին Արտաքին գործերի նախարարի պաշտոնակատար Արա Այվազյանը ԱԳՆ անձնակազմի հետ հրաժեշտի հանդիպման ընթացքում արեց խիստ մտահոգիչ հայտարարություն, մասնավորապես նշելով, որ. «Հուսով եմ, որ ձեզ ամոթով չեմ թողել, և իմ հրաժարականի որոշումը պայմանավորված էր հենց այդ պատճառով, որպեսզի երբևիցե որևէ կասկած չլինի, որ այս նախարարությունը կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք մեր պետականության, մեր ազգային և պետական շահի դեմ են եղել»։ Այս ուղերձը հերթական անգամ փաստում է, որ այս պահին ընթանում են գործընթացներ, որոնք հակասում են պետական շահին և կրում են անվտանգային սպառնալիք:
Այս համոզմունքը հիմնավորված է նրանով, որ վերջին ժամանակաշրջանում օրինաչափ էին դարձել այն դեպքերը, երբ ԱԳՆ պետականամետ և հայանպաստ դիրքորոշումներն ու հայտարարությունները էականորեն հակասում էին ՀՀ վարչապետի պաշտոնակատար Նիկոլ Փաշինյանի կողմից սահմանված առաջնահերթություններին և իրականացվող անվտանգային ու արտաքին քաղաքականությանը:
Հետևաբար.
Կարդացեք նաև
• ԱԳ պաշտոնաթող նախարար Արա Այվազյանը ազգային անվտանգության նկատառումներով, քաղաքական հանրությանը պետք է լիարժեքորեն և հրապարակային ներկայացնի իր բոլոր մտահոգություններն ու այն փաստերը, որոնք ընկած են այդ մտահոգությունների հիմքում:
• Պետական բոլոր ինստիտուտները, հատկապես՝ ՀՀ ՊՆ, ՀՀ ԱԱԾ և ՀՀ ԱԳՆ պետք է հավատարիմ մնան պետությանը սպառնացող մարտահրավերները իրենց լիազորությունների շրջանակներում կանխելու առաքելությանը և զերծ մնան պետական և հանրային շահի դեմ ուղղված գործողություններից:
«Ժողովրդավարական համախմբում»
կուսակցության կենտրոնական գրասենյակ
