«Կարծում եմ՝ առաջարկի ոչ բոլոր բաղադրիչներն եք դուք ձեր հարցում թվարկում։ Մի բան կարող եմ ասել՝ այո, ամեն ինչ պետք է անենք, որպեսզի խնդիրը լուծվի խաղաղ, դիվանագիտական ճանապարհով։ Կարծում եմ՝ դա ճիշտ մոտեցում է»,-խորհրդարանում լրագրողների հետ ճեպազրույցում այսօր անդրադառնալով Սոթքից Խոզնավար հատվածքում միջազգային դիտորդներ տեղակայելու մասին վարչապետի պաշտոնակատար Նիկոլ Փաշինյանի առաջարկին՝ ասաց ՀՀ փոխվարչապետի պաշտոնակատար Մհեր Գրիգորյանը։
«Բոլորիս համար կարեւոր կլինեն արդյունքները, ոչ թե արձագանքները։ Ինչո՞ւ եք ասում, թե արձագանք չկա։ Կարծում եմ, որ առաջիկայում կլսեք հարցի շուրջ բոլոր արձագանքները։ Չեն կարող չլինել արձագանքներ եւ գործողություններ։ Մոտ օրերս․․․»,-հավելեց նա՝ մեկնաբանելով հարցը, թե ինչու որեւէ երկրից այդ առաջարկին փաստացի արձագանք չեղավ։
Լուիզա ՍՈՒՔԻԱՍՅԱՆ
