Բաքուն չի բացառում, որ եռակողմ համաձայնագրով Ադրբեջանի վերահսկողության տակ անցած տարածքներում ապրած հայերին հնարավորություն կտա վերադառնալ իրենց տներ: Այս մասին ռուսական «Իզվեստիա» թերթին տված հարցազրույցում ասել է Ադրբեջանի՝ տեղահանվածների հարցերով հանձնաժողովի ղեկավար Ռովշան Ռզաևը՝ ընդգծելով, որ խոսքը տարածքները վերադարձնելու մասին չէ:
«Մեր երկիրն ամենաբարձր մակարդակով բազմիցս վերահաստատել է պատրաստակամությունը՝ ինտեգրել նախկին ԼՂԻՄ-ի հայ բնակչությանը Ադրբեջանի տարածքում: Բայց այդ տարածքում ապրելու իրավունքը չպետք է փոխարինվի այդ տարածքների անջատմամբ: Հետևաբար, ձեր հարցի պատասխանն է՝ այո, նրանք (հայերը-խմբ.) կարող են ապրել Ադրբեջանում որպես մեր երկրի քաղաքացիներ, ինչպես որ ապրում էին նախքան հակամարտությունը»,- ասել է Ռզաևը:
Հարցին, թե արդյոք հայերին կտրամադրվեն անվտանգության երաշխիքներ՝ Ռզաևն ընդգծել է, թե «Ադրբեջանում ապրող բոլոր մարդկանց համար դրա երաշխավորը պետությունն է» և երկրի նախագահ Իլհամ Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
