Արցախի պաշտպանության բանակի մամուլի նախկին խոսնակ Սենոր Հասրաթյանի ֆեյսբուքյան գրառումը
«Թերթում եմ իմ անձնական պահոցի էջերը և պատահականորեն հանդիպում հետևյալ գրառմանը. «… 2014 թ. հունվարից մինչև օգոստոս ընկած ժամանակահատվածում արցախա-ադրբեջանական հակամարտ զորքերի շփման գծի տարբեր հատվածներում հակառակորդի հատուկ նշանակության ջոկատայինների կողմից ձեռնարկվել է 12 հետախուզադիվերսիոն ներթափանցման փորձ, որի ընթացքում թշնամին տալով 38 զոհ և 57 վիրավոր, առանց որևէ արդյունքի հասնելու՝ հետ է շպրտվել իր ելման դիրքեր…»։
Այս փաստերի տպավորության տակ մտքերով տեղափոխվում եմ մեր օրեր և դժվարանում պատկերացնել, թե թշնամին ինչպես կարող էր, ընդամենը օրեր առաջ, առանց կրակոցի, ոչ միայն իր վերահսկողության տակ առնել հազարավոր հեկտարներով հայրենական տարածքներ, այլև գերեվարել վեց դիրքապահ զինվորի…
Հետևությունը թողնում եմ ձեզ…»։
