ՀՀ Զինված ուժերի գլխավոր շտաբի պետի տեղակալ, գեներալ-մայոր Էդվարդ Ասրյանն այսօր լրագրողների հետ հանդիպմանը անդրադառնալով Գեղարքունիքի մարզի սահմանային հատվածում հայ զինծառայողների գերեվարմանն, իր խոսքում մշտապես օգտագործում էր «գերավարում» բառը։ Լրագրողի ճշտող հարցին՝ գերեվարե՞լ, թե՞ առեւանգել, պարոն Ասրյանը պատասխանեց․«Գերեվարել։ Առեւանգելը զինվորական տերմինաբանության մեջ չի մտնում, ու ես երբեք ռազմական տերմինաբանության մեջ չեմ կիրառի»։
Հիշեցնենք, որ այսօր կառավարության նիստում վարչապետի ժամանակավոր պաշտոնակատար Նիկոլ Փաշինյանն ասել է․«Հանգամանքներն, իհարկե, դեռ պետք է պարզվեն, բայց սա, ըստ էության, գերեվարում չէ: Տեղի է ունեցել մեր զինծառայողների առեւանգումը ՀՀ տարածքից»:
Նելլի ԲԱԲԱՅԱՆ
