«Ուշադրություն դարձրեք, որ ադրբեջանցիները մտել ու առեւանգել են մեր պահպանության տարածքում։ ՊՆ-ն հաստատել է, այլապես հիմք չէինք ունենա հավատալու, որ կարող են մտնել ՀՀ ԶՈՒ պահպանության տարածք, առեւանգել, գետնին պառկեցնել ու գերեվարել։ Սա այլեւս աղետ է, անթույլատրելի է»,-ԱԺ լիագումար նիստում այսօր հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը։
Հիշեցնենք, որ Գեղարքունիքի մարզի սահմանային հատվածում ադրբեջանական ԶՈւ զինծառայողների կողմից շրջափակվել եւ գերեվարվել է ՀՀ ԶՈւ 6 զինծառայող։
«Աղետը կանգնեցնել է պետք։ ՊՆ-ի ամենօրյա կոչերի մեջ «այլապես»-ն այդպես էլ չենք տեսնում։ Այս իշխանությունը եկավ դագաղներով, հանձնեց Արցախը, հիմա էլ ՀՀ սուվերեն տարածքի վտանգը կա։ Հետո էլ ասում են, թե «ապագա կա»։ Ես սարսափում եմ ձեր ապագայի մասին մտածելիս»,-հավելեց Նաիրա Զոհրաբյանը։
Արձագանքեց «Իմ քայլը» խմբակցության ղեկավար Լիլիթ Մակունցը՝ Նաիրա Զոհրաբյանին կոչ անելով ատելության խոսք չտարածել ԱԺ-ից․ «Դա հարիր չէ ձեր կարգավիճակին որպես պատգամավոր»։ Ապա Լիլիթ Մակունցը 20 րոպե ընդմիջում խնդրեց։
Կարդացեք նաև
Լուիզա ՍՈՒՔԻԱՍՅԱՆ
