Առողջապահության նախարարի պաշտոնակատար Անահիտ Ավանեսյանն ընդգրկված է «Քաղաքացիական պայմանագրի» նախընտրական ցուցակում:
Այսօր ԱԺ-ում լրագրողները նրանից հետաքրքրվեցին՝ հանուն ինչի՞: Նա պատասխանեց. «Որպեսզի տանեմ առաջ այն քաղաքականությունը, ինչը վերջին 3 տարիների ընթացքում…»:
Լրագրողները միջամտեցին՝ Հայաստանի սահմանների այս անվտանգության քաղաքականությո՞ւնն եք ուզում առաջ տանել՝ Ավանեսյանը պատասխանեց. «Տանեմ առաջ այն քաղաքականությունը, որը վերջին 3 տարիների ընթացքում ապահովել է առողջապահության ոլորտում կտրուկ աճ եւ քաղաքացիների կյանքում կոնկրետ փոփոխություններ է բերել»:
Երբ հիշեցրին՝ վերջին 3 տարում կորոնավիրուսից մոտ 5000 մարդ է մահացել ձեր պաշտոնավարման ընթացքում՝ Ավանեսյանը հակադարձեց. «Աշխարհո՞ւմ ինչքան է մահացել: Ընդհանրապես բոլոր հիվանդություններից էլ, այդ թվում՝ COVID-ից լինում են մահեր»:
Կարդացեք նաև
Հռիփսիմե ՋԵԲԵՋՅԱՆ
