ՀՀ կենտրոնական բանկի գործունեության վերաբերյալ տարեկան հաղորդումը ԱԺ մայիսի 26-ի նիստում քննարկման ներկայացրեց ԿԲ նախագահ Մարտին Գալստյանը:
Զեկուցողը նշեց, որ Կենտրոնական բանկը վարել է խթանող դրամավարկային քաղաքականություն եւ աստիճանաբար ավելացրել է խթանման չափը՝ իջեցնելով վերաֆինանսավորման տոկոսադրույքն, ընդհանուր առմամբ, 1.25 տոկոսային կետով: Ֆինանսական շուկայում դրամի իրացվելիության նկատմամբ ձեւավորված բարձր պահանջարկը ԿԲ-ն ամբողջությամբ բավարարել է իր հիմնական գործիքի միջոցով: Ըստ Գալստյանի՝ Կենտրոնական բանկի դրամավարկային քաղաքականությունը հետեւողական է լինելու գնաճային սպասումների արագացման ցանկացած ռիսկի չեզոքացման հարցում՝ հնարավորինս չվնասելով ներքին պահանջարկի վերականգնման ընթացքին:
«Գների եւ ընդհանուր մակրոտնտեսական կայունության երաշխավորումը կարեւորագույն նախապայման է ապագա տնտեսական ռիսկերի զսպման, դրանից բխող ցածր ու կանխատեսելի տոկոսադրույքների միջավայրի ձեւավորման, ինչպես նաեւ ներդրումների ու կայուն եւ առողջ տնտեսական աճի ապահովման համար»,-ասաց ԿԲ նախագահը:
Կարդացեք նաև
Ազգային ժողով
