«Կորոնավիրուսի համաճարակի տեմպի նվազում ունենք»,-ԱԺ-կառավարություն հարցուպատասխանի ժամանակ այսօր հայտարարեց առողջապահության նախարարի պաշտոնակատար Անահիտ Ավանեսյանը։
«Այդ թվում ԵՄ երկրները եւ Վրաստանը փոփոխություններ են կատարել, եւ մեր քաղաքացիները կարող են սահմանը հատել, եթե ունեն բացասական թեստ եւ պատվաստված են։ Քաղաքացիներին հորդորում եմ պատվաստվել, որպեսզի կարողանան ՀՀ-ից մեկնել եւ այլ երկրներ մուտք գործել»,-տեղեկացրեց նա։
Հիշեցնենք, որ ՀՀ-ում համավարակին առնչվող որոշակի սահմանափակումներ են հանվել։ «Փակ տարածքներում դիմակ կրելը չպատվաստված անձանց համար շարունակելու է լինել պարտադիր»,-հավելեց Անահիտ Ավանեսյանը։
Լուիզա ՍՈՒՔԻԱՍՅԱՆ
