ԵԱՏՄ ինստիտուտի տնօրեն Վլադիմիր Լեպեխինի կարծիքով, Հայաստանին անհրաժեշտ է վերադառնալ նախագահական կառավարման համակարգին:
Այսօր «Ինտեգրացիա եւ զարգացում» հետազոտության եւ վերլուծական հասարակական կազմակերպության կազմակերպած «Ռուսաստանի ռազմավարական դաշնակցի կերպարը ժամանակակից հայ հասարակությունում» թեմայով համաժողովի ժամանակ, անդրադառնալով Հայաստանի ներքաղաքական իրավիճակին, ռուս փորձագետն ասաց, որ ստեղծված բարդ աշխարհաքաղաքական իրավիճակում, Հայաստանում հեղինակավոր եւ ուժեղ իշխանություն չկա, չկա ուժեղ ընդդիմություն, չկա երկրի զարգացման հստակ ծրագիր: Ըստ նրա, բոլոր քաղաքական ուժերը ներգրավված են առաջացած փակուղիների շուրջ բանավեճում. մեկը հույսը դնում է սփյուռքի, մյուսը՝ ՆԱՏՕ-ի եւ ԱՄՆ-ի, Ռուսաստանի, Ֆրանսիայի եւ նույնիսկ Թուրքիայի եւ Ադրբեջանի հետ հաշտեցման վրա:
Ռուս փորձագետը կարեւորում է այժմ Հայաստանում քաղաքական խորը բարեփոխումների իրականացումը, որոնք պետք է սկսել կառավարման նախագահական մոդելին վերադառնալով, որպեսզի հայտնվի հեղինակավոր եւ նույնիսկ ավտորիտար իշխանություն. «Պատերազմում պարտության հիմնական պատճառը նման ուժի բացակայությունն է: Այո, կա նախագահ, վարչապետ, բոլոր պետական մարմինները, բայց դրանք բոլորը թույլ են, բոլորը հակասությունների մեջ են, ոչ ոք լիարժեք պատասխանատվություն չի կրում երկրում եւ սահմանին տիրող իրավիճակի համար` ի տարբերություն Ադրբեջանի եւ Թուրքիայի, որտեղ ամեն ինչ որոշում են Ալիեւը եւ Էրդողանը»:
Փորձագետը կարծում է, որ հայաստանյան քաղաքական ուժերը պետք է միասնական տարբերակով ստեղծված իրավիճակից ելք գտնեն. «Կամ էլիտաները կհամախմբվեն, կամ երկրին էլ ավելի լուրջ փորձություններ են սպասվում»:
Կարդացեք նաև
Նելլի ԳՐԻԳՈՐՅԱՆ
