«Թովմասյան» հիմնադրամի հոգաբարձուների խորհրդի նախագահ Արտակ Թովմասյանն այսօր իր հրավիրած քննարկման ընթացքում արձանագրեց, որ մեր բոլոր հայրենակիցներին, ոչ միայն Հայաստանում, այլեւ ամբողջ աշխարհում, այսօր հետաքրքրում է մի հարց՝ մոտակա ժամանակներին ինչ է լինելու մեր երկրում:
«Հայրենիքի առջեւ ծառացած մարտահրավերները մեզ՝ քաղաքականությամբ չզբաղված մարդկանց ստիպում են դառնալ ակտիվ մասնակիցներ: Դա է պատճառը, որ ես այսօր հրավիրել եմ ձեզ, որպեսզի փորձենք միասին գտնել այն լուծումները, որոնք անհրաժեշտ են իրավիճակից դուրս գալու համար: Իհարկե, համաձայն մեր երկրում գործող սահմանադրության: Ինչ է կատարվում հիմա: Նոյեմբերի 9-ին կապիտուլյացիոն պայմանագիր ստորագրած այս իշխանությունը, այս կառավարությունը կրկին մեզ կանգնեցրել է մի նոր կապիտուլյացիոն պայմանագրի առջեւ: Ի տարբերություն նոյեմբերի 9-ի պայմանագրի, ինչը 44-օրյա պատերազմի հետեւանք էր, հիմա չկա ոչ մի կռիվ: Ուղղակի առանց որեւէ կրակոցի արդեն թշնամին մտել է մեր տարածք եւ փորձում է թելադրել իր ցանկությունները մեր երկրում: Նա արդեն հայտարարել է, որ ոչ մի բանի առաջ չի կանգնելու, չի հարցնելու ոչ հայկական կառավարությանը, ոչ ինչ-որ պարտնյորների: Նրանց նպատակն է՝ Զանգեզուրի միջանցքը բացելը եւ դրան հասնելը:
«Այսօր մենք հասել ենք այն վիճակին, որ Հայաստանի Հանրապետության փոխվարչապետը հպարտանում է նրանով, որ կարողացել է սեփական երկրում մի տեղից մյուս տեղը գնալ: Այսինքն, հասել է Սեւ Լճի մոտ, նկարվել է եւ հպարտանում է, որ դա իրեն անել հաջողվել է: Պատկերացնո՞ւմ եք: Ես նույնիսկ արդեն չեմ զարմանա, եթե հիմա ձեզանից մեկն ասի, որ իր կողքին կանգնած մարդը ադրբեջաներեն էր խոսում: Սա նշանակում է, որ այսօր մենք մեր երկրում ապահով չենք, մեր երկիրն այսօր բաց դռներ է առաջինը մեր թշնամու համար»:
Կարդացեք նաև
Աշոտ ՀԱԿՈԲՅԱՆ
