«Առաջնահերթ պետք է Արցախի խնդրի հարցը լուծել, Արցախի տարածքային ամբողջականությունը վերականգնել, հետո նոր անցնել այդ խնդրին»,-լրագրողների հետ ճեպազրույցում այսօր անդրադառնալով ՀՀ-ի եւ Ադրբեջանի միջեւ սահմանազատման եւ սահմանագծման հանձնաժողով ստեղծելու գործընթացին՝ ասաց Արցախի ՊԲ նախկին հրամանատար, Արցախի անվտանգության խորհրդի նախկին քարտուղար Սամվել Բաբայանը։
Նրա խոսքով․ «Եթե Ադրբեջանը դրան չի գնում, որեւէ հարց պետք չէ քննարկել»։
Ինչ վերաբերում է այդ գործընթացում անկլավների հարցի հնարավոր քննարկմանը՝ Սամվել Բաբայանը նշեց․ «Տավուշի առնչությամբ էլ կան խնդիրներ։ Եթե իսկապես գնում ենք սահմանազատման եւ այլն, ապա ահագին տարածքներ կան, որոնք մերն են՝ իրենց ձեռքում, եւ հակառակը՝ կա մի երկու անկլավ, որոնք իրենցն են։ Ավելի շատ մե՞նք ենք շահելու, թե իրենք․․․»։
Լուիզա ՍՈՒՔԻԱՍՅԱՆ
Կարդացեք նաև
