ՀՀ Արմավիրի մարզպետարանի հետ համագործակցությամբ «Հայ խոհարարական ավանդույթների զարգացման ու պահպանման» հասարակական կազմակերպությունը «Զվարթնոց» պատմամշակութային արգելոց-թանգարանի տարածքում այսօր իրականացրել է հայաստանյան այցեքարտ դարձած տոլմայի հոբելյանական 10-րդ փառատոնը:
Ավանդական դարձած փառատոնին բացված 20-25 տաղավարներում ներկայացված են եղել տարբեր ռեստորանների, ուսումնական կենտրոնների, անհատների, խմբերի կողմից պատրաստված տարատեսակ տոլմաներ։
Փառատոնի շրջանակում տեղի է ունեցել մրցույթ՝ երեք անվանակարգում՝ լավագույն համ, տեսք և մտահղացում։ Եղել է նաև գլխավոր մրցանակ, որը հանձնվել է ամենաբարձր միավորներ ստացած թիմին։
Տոլմայի փառատոնի նպատակն է տարածել և մասսայականացնել տոլման, մոռացությունից վեր հանել նրա բազում տեսակները, հանրությանը ներկայացնել տոլմայի պատրաստման եղանակները, նրա պատմությունը, դրանով իսկ այս վտանգված հայկական կերակրատեսակը զերծ պահել թուրքականացումից։
Կարդացեք նաև
Արմավիրի մարզպետարան
