Հյուսիսային Մակեդոնիայում հունահռոմեական ըմբշամարտի Եվրոպայի մինչեւ 23 տարեկանների առաջնության մասնակիցներն այսօր ավարտում են պայքարը:
Երեկ հինգ քաշային կարգերում որոշվել են չեմպիոններն ու մրցանակակիրները: Մեդալների համար գոտեմարտերում մեր բոլոր ըմբիշներն էլ հաջողություն են գրանցել: 63 կգ քաշային կարգում Հրաչյա Պողոսյանը բարձրացել է պատվո պատվանդանի ոսկե աստիճան, Դավիթ Օվասապյանը 130 կգ քաշայինների պայքարում դարձել է արծաթե մեդալակիր, իսկ Սամվել Գրիգորյանը՝ 77 կգ եւ Գեւորգ Թադեւոսյանը՝ 87 կգ, արժանացել են բրոնզե պարգեւի:
Այսօր Եվրոպայի առաջնությունն ավարտվում է եւ Հայաստանի եւս երկու ըմբիշ մտնելու են մրցագորգ: Մալխաս Ամոյանը 72 կգ քաշային կարգում Ուկրաինայի ներկայացուցիչ Անդրեյ Կուլիկի հետ վիճարկելու չեմպիոնի տիտղոսը, իսկ 60 կգ քաշային կարգում Տիգրան Մինասյանը բրոնզե մեդալի համար գոտեմարտելու է իսպանացի Անդի Խուան Սուշի հետ:
Աշոտ ՀԱԿՈԲՅԱՆ
