«Եթե, մենք` հայերս, խելքներս գլուխներս չհավաքենք, քաոսային այս վիճակը տանելու է էլ ավելի քաոսային իրավիճակի»,-այսօր Ազատության հրապարակում հրավիրած հանրահավաքում ասաց Ազգային-ժողովրդավարական բեւեռի (ԱԺԲ) խորհրդի անդամ Ժիրայր Սեֆիլյանը: Ըստ նրա, այդ քաոսը վերացնելու մեկ միջոց կա` ժամանակավոր, ներազգային զինադադարը:
Նրա խոսքով՝ պետք է ազգովի համախմբվեն մեկ գաղափարի շուրջ եւ այդ հարցում միասին այդ քայլը կատարեն: Ըստ նրա, խոսքը վերաբերում է բոլոր քաղաքական շրջանակներին: Ժիրայր Սեֆիլյանի խոսքով, Փաշինյաններն արհամարհում են արեւմուտքից մեկնած ձեռքը, ուստի հայ ժողովուրդը պետք է դիմի ՄԱԿ-ի անվտանգության խորհրդին, որպեսզի մեր երկրի սահմանների անվտանգությունը նրանք ստանձնեն:
Ասաց, որ Ազգային-ժողովրդավարական բեւեռը վաղվանից խորհրդատվությունների շարք է սկսելու` այդ խնդիրը լուծելու համար:
Կարդացեք նաև
Հանրահավաքի մասնակիցները երթով շարժվեցին դեպի ՀՀ-ում գործող Ֆրանսիայի դեսպանատուն` դիմումը փոխանցելու, որպեսզի դեսպանատունը միջնորդի ՄԱԿ-ին` ՀՀ սահմանների անվտանգությունն ապահովելու:
Լուսինե ԲՈՒԴԱՂՅԱՆ
