Մայիսի 20-ին ԱԺ պետական-իրավական հարցերի մշտական հանձնաժողովի նիստում առաջին ընթերցմամբ քննարկվեց Կառավարության հեղինակած ««Դատական ակտերի հարկադիր կատարման մասին» ՀՀ օրենքում լրացում կատարելու մասին» օրենքի նախագիծը:
ՀՀ արդարադատության նախարարի տեղակալ Վահե Դանիելյանը ներկայացրեց առաջարկվող փոփոխությունները:
Նշվեց, որ 2020-ի սեպտեմբերի 27-ին հայտարարված ռազմական դրությամբ պայմանավորված` պարտատերերը, այդ թվում` բանկերը եւ վարկային կազմակերպությունները, համապատասխան հիմքերի առկայության պարագայում կարող են ներել որոշ պարտապանների (օրինակ` զոհված, հաշմանդամ դարձած, անհայտ բացակայող կամ մահացած ճանաչված անձանց) պարտավորությունները: Մինչդեռ հնարավոր են դեպքեր, երբ պարտատերերը ներում են պարտապանների այն պարտավորությունները, որոնց վերաբերյալ արդեն իսկ հարուցվել են կատարողական վարույթներ, որի դեպքում գանձվում են կատարողական գործողությունների կատարման ծախսեր, որը պետք է բանկը վճարի: Ուստի, առաջարկվում է կատարողական վարույթները կարճելու դեպքում կատարողական գործողությունների կատարման ծախսեր չգանձել:
Օրենքի նախագիծը ստացավ դրական եզրակացություն: Հանձնաժողովի անդամները, կարեւորելով ներկայացված փոփոխությունը, առաջարկեցին հարցը հերթական նիստերի օրակարգում քննարկել 24-ժամյա ռեժիմով:
Կարդացեք նաև
ՀՀ ազգային ժողով
