ՀՅԴ անդամ Գեղամ Մանուկյանն այսօր «Պատիվ ունեմ» դաշինքի հանրահավաքի մեկնարկից առաջ լրագրողների հետ ճեպազրույցում անդրադառնալով աղմկարահարույց փաստաթղթին, որով նախատեսվում է հայ-ադրբեջանական սահմանի գծման եւ զատման աշխատանքների նախապատրաստում,եւ որն, ըստ Փաշինյանի հարյուր տոկոսով համապատասխանում է ՀՀ ազգային շահերին, ասաց, որ Նիկոլ Փաշինյանն ինչ փաստաթուղթ էլ ստորագրի, իրավական լեգիտիմ ուժ չունի․ «Մի քանի պատճառներով՝ ՀՀ պետական սահմանները հայտարարությամբ չեն ստորագրվում, չեն ստորագրվում առանց Ազգային ժողովի, առանց համաժողովրդական հանրաքվեի։
Նա ուղղակի այնքան ճկռած է Ալիեւի առաջ, որ ալիեւյան ցանկացած կամակորություն պատրաստ է կատարել։ Նոյեմբերի իննի հայտարարությունում սահմանների հստակեցման հարց չկար, կար ռազմագերիների հարց, մինչեւ հիմա ռազմագերիների վերադարձի հարցը լուծված չէ ու հիմա նոր փաստաթուղթ է ստորագրում, ու դեռ չհաշված խոսակցությունները, որ կա եւս մեկ գաղտնի փաստաթուղթ, որի մասին դեռ լռում են»։
Նելլի ԲԱԲԱՅԱՆ
