Մայիսի 19-ին Վայոց ձորի մարզպետ Արարատ Գրիգորյանը Արցախյան 44-օրյա պատերազմի մասնակից Վայոց ձոր մարզի 3 քաջորդիների՝ Հայաստանի Հանրապետության նախագահ Արմեն Սարգսյանի հրամանագրով, հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած խիզախության և անմնացորդ նվիրումի համար հետմահու ստացած պարգևները հանձնել է նրանց ընտանիքներին:
Հայրենիքի նվիրյալ հերոսներն են՝
Խաչատրյան Հրայր Սուրիկի, Աղավնաձոր բնակավայր, պարգևատրվել է «Մարտական Խաչ 2-րդ աստիճանի» մեդալով,
Ղարախանյան Ռուբեն Վիրաբի, Վերնաշեն բնակավայր, պարգևատրվել է «Մարտական ծառայություն» մեդալով,
Կարդացեք նաև
Զաքարյան Կարապետ Դերենիկի, Եղեգնաձոր համայնք, պարգևատրվել է «Մարտական ծառայություն» մեդալով:
«Մենք պարտավոր ենք շենացնել և զարգացնել մեր հայրենիքը, ամուր հողի վրա դնել այդքան դժվարությամբ ձեռք բերված խաղաղությունը, և ոչ մի դեպքում թույլ չտալ, որ պատերազմը և նրա արհավիրքները փոխանցվեն մեր սերունդներին: Միայն մեր անմնացորդ հայրենասիրությամբ և աշխատանքով կարող ենք արժանի լինել նրանց հերոսությանն ու սխրանքներին»:
Պարգևատրման արարողությանը ներկա են եղել ՀՀ ՊՆ զորակոչային և զորահավաքային համալրման ծառայության Վայոց ձորի տարածքային ստորաբաժանման ղեկավարը, Արենի, Գլաձոր և Եղեգնաձոր համայնքների ղեկավարները:
Հավերժ փառք և խոնարհում մեր հերոսներին:
Վայոց ձորի մարզպետարան
