Հայկական կողմը, հասարակությունը, բանակը պետք է միամիտ չլինի, միամտություն է հավատալ, որ ադրբեջանական կողմը գալու է բանակցության և այն տարածքներից, որտեղ սողոսկել է կամովի, դուրս է գալու: Այս մասին այսօր Tert.am-ի հետ զրույցում ասաց ԶՈւ ԳՇ նախկին պետ, գեներալ-գնդապետ Մովսես Հակոբյանը՝ խոսելով սահմանում տիրող իրավիճակի, հայ-ադրբեջանական բանակցությունների պայմանավորվածության ու ադրբեջանական կողմի չներկայանալու մասին:
«Պետք է հստակ հասկանանք, որ այսօր այն կարծիքները, թե հակառակորդի զինվորականների՝ մեր երկրում գտնվելը Թուրքիայի ղեկավարմամբ է լինում, միայն այս իշխանությունների բացթողումների արդարացման համար է: Այս բանակցությունները շարունակվելու են, բայց որևէ բանակցություններ օգուտ չեն տալու: Եթե ռուսական կողմի վրա են հույս դնում, ապա պետք է հասկանալ, որ Ռուսաստանի իշխանությունը Ռուսաստանի համար է ձևավորված, այլ ոչ թե Հայաստանի: ՀԱՊԿ-ին դիմեցին, ՀԱՊԿ-ը հայտարարություն կտարածի, այդ հայտարարությանը ադրբեջանական կողմը որևէ արձագանք չի տա, դիվանագիտորեն ոչինչ չի փոխվի: Մարդիկ պետք է պատմություն կարդան ու տեսնեն, որ որևէ հայտարարությունը, որը չի զուգորդվում կոնկրետ գործողություններով, այդպես էլ միայն որպես հայտարարություն է մնում»,-ասաց նա:
Նյութն ամբողջությամբ՝ սկզբնաղբյուր կայքում:
