Ռուսաստանը, որպես հայ-ադրբեջանական լարվածության թուլացման երկարաժամկետ լուծում առաջարկում է սկսել հայ-ադրբեջանական սահմանի սահմանազատման գործընթաց: Այս մասին ասվում է Ռուսաստանի ԱԳՆ տարածած հայտարարության մեջ:
«Շարունակում ենք ուշադրությամբ հետևել Հայաստանի և Ադրբեջանի միջև սահմանային միջադեպի հետևանքով ստեղծված իրավիճակին: Ռուսական կողմը Բաքվին ու Երևանին աջակցում է լարվածության թուլացման գործում՝ բարձր և բարձրագույն մակարդակներով պարբերական շփումների շրջանակում: Օպերատիվ կապ է պահպանվում զինվորականների և սահմանապահ ծառայությունների գծով:
Վերահաստատում ենք կրակի դադարեցման ռեժիմին խստորեն հետևելու, ինչպես նաև 2020թ. նոյեմբերի 9-ի և 2021թ. հունվարի 11-ի Ադրբեջանի, Հայաստանի և Ռուսաստանի առաջնորդների հայտարարության այլ դրույթներն անվերապահորեն կատարելու անհրաժեշտությունը:
Ելնում ենք նրանից, որ նմանատիպ բոլոր միջադեպերը պետք է լուծել բացառապես խաղաղ բանակցային ճանապարհով: Որպես երկարաժամկետ լուծում տեսնում ենք հայ-ադրբեջանական սահմանի սահմանազատման գործընթացի մեկնարկը ՝ հետագայում սահմանազատման հեռանկարով: Ռուսաստանի Դաշնությունը պատրաստ է հետագայում էլ աջակցել Հարավային Կովկասում իրավիճակի հետևողական կարգավորմանը»,- ասվում է հայտարարության մեջ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
