Ռուսաստանը Հայաստանին ու Ադրբեջանին աջակցություն կցուցաբերի սահմանային լարվածությունը թուլացնելու գործում, եթե այդպիսի խնդրանք լինի երկու երկրների կողմից: Այս մասին հայտարարել է Ռուսաստանի փոխարտգործնախարար Անդրեյ Ռուդենկոն:
«Նորմալ է, երբ կողմերը նման իրավիճակում դիմում են մեզ օգնության, աջակցության, միջնորդության խնդրանքով, հատկապես որ մենք փորձ ունենք նոյեմբերի 9-ի և հունվարի 11-ի հայտարարությունների մշակման համատեքստում: Ուստի, եթե նման դիմում լինի բոլոր մասնակիցների կողմից, նկատի ունեմ Ադրբեջանից ու Հայաստանից, այդ ժամանակ մենք պատրաստ ենք ցուցաբերել այն աջակցությունը, որը մենք կարող ենք»,- ասել է Ռուդենկոն:
Նա նշել է, որ հայ-ադրբեջանական սահմանային լարվածությունը կքննարկվի Դուշանբեում մայիսի 19-ին կայանալիք ՀԱՊԿ անդամ երկրների արտգործնախարարների հանդիպմանը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
