Սյունիքում, Գեղարքունիքում և Վայոց ձորում ստեղծված ճգնաժամային իրավիճակի առիթով ՀՀ ԱԺ-ում հրավիրված արտահերթ նիստի ընթացքում միաձայն՝ 86 կողմ ձայնով ՀՀ ԱԺ-ն ընդունեց «Սահմանամերձ գոտիներում, մասնավորապես Սյունիքում եւ Գեղարքունիքում ստեղծված ճգնաժամային իրավիճակի, առկա խնդիրների եւ դրանց լուծման ուղիների, սահմանների պաշտպանության եւ անվտանգության ապահովմանն ուղղված հարցերի վերաբերյալ» ՀՀ Ազգային ժողովի հայտարարությունը:
Փաստաթղթում ամրագրված է. «Ադրբեջանական զինուժի այս գործողություններն անընդունելի են Հայաստանի Հանրապետության համար, դա ակնհայտ ոտնձգություն է Հայաստանի Հանրապետության ինքնիշխան տարածքի նկատմամբ, եւ Հայաստանի Հանրապետությունը որեւիցե դեպքում չի հանդուրժի ստեղծված իրավիճակը»:
ՀՀ ԱԺ ԲՀԿ խմբակցության պատգամավոր Արման Աբովյանը նշեց՝ իրենց նպատակը արտահերթ նիստ հրավիրելու դեպքում միայն այս հայտարարությունն ընդունելը չէր, այլ որ բարձրաձայնվեն պատճառները, թե ինչու այսպես եղավ:
Կարդացեք նաև
Անդրադառնալով ՀՀ ՊՆ նախարար Վաղարշակ Հարությունյանի՝ ՀՀ ԱԺ նիստին մասնակցությանը և լռությանը, Արման Աբովյանն ասաց. «ՊՆ նախարարը եկավ, նստեց, ելույթ չունեցավ: Տպավորություն էր, որ ուղեկցում էր կառավարության անդամներին, ու գնաց տուն: Ինչո՞ւ չխոսեց»:
Տաթև ՀԱՐՈՒԹՅՈՒՆՅԱՆ
