Ադրբեջանական զինվորականների` Հայաստանին ինքնիշխան տարածքում հանցավոր ներկայությունը խախտում է սահմանային բնակիչների իրավունքները, նրանք պետք է անհապաղ հեռանան նաեւ այսպես կոչված նաեւ վիճելի տարածքներից՝ լրագրողների հետ զրույցում, Գորիսում նշել է ՀՀ մարդու իրավունքների պաշտպան Արման Թաթոյանը՝ խոսելով ստեղծվելիք անվտանգության գոտու մասին։
ՄԻՊ–ի խոսքով սահմանամերձ տարածքներում, օրինակ Կապան–Ճակատեն, Որոտան–Շուռնուխ հատվածներում տեղեկայված գյուղերում մարդիկ են ապրում ու այդ անվտանգության գոտին չպետք է Հայաստանի հաշվին ստեղծվի։ «Ի՞նչ անվտանգության գոտի պետք է ստեղծվի Հայաստանի տարածքի հաշվին, նոր տեղահանվածներ պետք է ունենա՞նք։ Դա բացառվում է։ Ես բազմիցս նշել եմ՝ դա ադրբեջանցիների մանիպուլյացիան է»,–ասաց Թաթոյանը։ Ըստ նրա հիմքում պետք է դնել մարդուն, քաղաքացուն, սահմանում ապրողի իրավունքները։
«Բոլոր գործընթացների հիմքում պետք է լինեն մարդու իրավունքները: Բնակիչների մեծ մասի համար անասնապահությունը եկամտի միակ աղբյուրն է: Այս գործընթացների արդյունքում բնակիչները զրկվել են արոտավայրերից օգտվելու հնարավորությունից: Բացի այդ, պետք է հիշել, որ ադրբեջանցի զինվորականների գերագույն գլխավոր հրամանատարն անձամբ ամեն օր հայատյացություն է սերմանում: Ադրբեջանը բանավոր խոսում է խաղաղության մասին, սակայն գործում է ճիշտ հակառակ կերպ՝ հայերին մեղադրելով: Ո՞վ է տարածաշրջանում խաղաղության սպառնալիքներ ստեղծողը: Այսպիսինն է Ադրբեջանի տեղեկատվական քաղաքականությունը: Նրանք մի բան անում են, խոսում՝ մեկ այլ բան, կեղծում իրականությունը», – նշել է Արման Թաթոյանը:
Կարդացեք նաև
Արմեն ԴԱՎԹՅԱՆ
