Երեւանի ընդհանուր իրավասության դատարանում այսօր շարունակվեց Բարձրագույն դատական խորհրդի՝ լիազորությունները կասեցված նախագահ Ռուբեն Վարդազարյանին մեղադրանք առաջադրելու որոշման դեմ նրա պաշտպանների ներկայացրած բողոքի քննությունը։ Նիստից մանրամասներ հայտնի չեն, քանի որ բողոքի քննությունն ընթանում է դռնփակ ռեժիմով։
Ռուբեն Վարդազարյանի շահերի ներկայացուցիչ, փաստաբան Արամ Օրբելյանն Aravot.am-ին միայն հայտնեց, որ դատախազությունը բացարկի միջնորդություն է հայտնել բողոքը քննող դատավոր Դավիթ Հարությունյանին։ Միջնորդության որոշման հրապարակումը տեղի կունենա վաղը 11:00-ին, որից հետո պարզ կլինի՝ Վարդազարյանի ներկայացուցիչները կմիջնորդե՞ն քննությունը դռնփակ անցկացնել, թե բողոքի քննությունը կմակագրվի մեկ այլ դատավորի։ Ռուբեն Վարդազարյանն այսօր եւս դատարան չէր ներկայացել։
Հիշեցնենք, որ նա մեղադրվում է արդարադատության իրականացմանը խոչընդոտելու մեջ։ Նրա շահերի պաշտպաններն ավելի վաղ մատնանշել են, որ բողոքի հիմքերից մեկը վերաբերում է այն փաստին, որ ԲԴԽ նախագահի դեմ քրեական գործ է հարուցվել առանց նրա՝ որպես դատավորի անձեռնմխելիության հաղթահարման։
Կարդացեք նաև
Լուիզա ՍՈՒՔԻԱՍՅԱՆ
