Ամերիկացի կոնգրեսական Ադամ Շիֆը մտահոգություն է հայտնել ադրբեջանական զորքերի՝ Սյունիք ներխուժելու կապակցությամբ և կոչ է արել ԱՄՆ վարչակազմին առավել ակտիվ ներգրավվածություն ունենալ ԵԱՀԿ Մինսկի խմբում:
«Խորապես մտահոգված եմ վերջին հաղորդագրություններից այն մասին, որ ադրբեջանական զորքերը հատել են Հայաստանի սահմանը: Եթե դա ճիշտ է, դա ևս մեկ վտանգավոր և սադրիչ գործողություն է, որը կարող է հանգեցնել հետագա զոհերի: Վաղուց ժամանակն է, որպեսզի ԱՄՆ-ը գիտակցի, որ մեր վարած քաղաքականությունը խրախուսել է Ադրբեջանի նախագահ Իլհամ Ալիևին գնալ ռազմական սրման՝ սպառնալով նոր պատերազմ:
Ես կապի մեջ եմ եղել Բայդենի աշխատակազմի հետ և հորդորել եմ նրանց առավել ակտիվ ներգրավվել Մինսկի խմբում, ինչը այժմ, առավել քան երբևէ, կարևոր է: Ըստ հաղորդագրությունների, Ադրբեջանն այդ գործողությունները ձեռնարկում է մի քանի օր այն բանից հետո, երբ Պետքարտուղարությունն անհիմն կերպով հրաժարվեց 907-րդ կետով Ադրբեջանին ուղղակի օգնություն տրամադրելու վերաբերյալ սահմանափակումներից: Մենք չպետք է ռազմական ֆինանսավորում տրամադրենք մի ազգի, որը սովորաբար մասնակցում է մարդու իրավունքների խախտումներին և ոտնձգություն է կատարում հարևանների ինքնիշխանության նկատմամբ»,- գրել է Շիֆը Facebook-ի իր էջում:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
