Երեւանի Կենտրոն վարչական շրջանը մայիսի 11-ից ղեկավար չունի: Ապրիլի 20-ից արձակուրդի մեջ գտնվող թաղապետ Ավետ Պողոսյանի պարտականությունները կատարում էր նրա առաջին տեղակալ Արմեն Ազիզյանը, որը աղմկահարույց միջադեպից հետո ձերբակալվել է:
Կենտրոն վարչական շրջանի աշխատակազմի քարտուղար Ենոք Անդրեասյանը «Հայկական ժամանակի» հետ զրույցում հայտնեց, որ թաղապետին նոր փոխարինող դեռեւս չունեն, ասաց՝ երբ որ կարգադրություն լինի, մենք այդ մասին կլսենք:
Հարցին, թե Ավետ Պողոսյանը տեղյա՞կ է՝ ինչ խառը իրավիճակ է տիրում թաղապետարանում եւ գուցե ասել է, որ վերադառնալու է, քարտուղարն ասաց. «Թաղապետարանում խառը իրավիճակ չէ, նորմալ մեր գործն ենք անում: Ավետ Պողոսյանն էլ գիտակից մարդ է, գիտի՝ երբ, որտեղ ինչ անի: Ձեր հարցերն ուղղեք Երեւանի քաղաքապետարանին»:
Ըստ օրենքի՝ Երեւանի քաղաքապետի կողմից պիտի կարգադրություն լինի, ու ժամանակավոր ղեկավար նշանակվի, եթե ղեկավարը բացակայում է: Որքանով մեզ է հայտնի, Ավետ Պողոսյանը դեռեւս չի էլ պատրաստվում վերադառնալ: ՀԺ տեղեկություններով՝ նա մեկ ամսով է արձակուրդ գնացել եւ իրեն փոխարինողի ու գլխավոր մասնագետի ձերբակալությունների լուրը պատճառ չի դարձել, որ վերադառնա:
Կարդացեք նաև
Աղունիկ ՀՈՎՀԱՆՆԻՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
