Եվրահանձնաժողովը հրաժարվել է տարվա երկրորդ կեսին երկարացնել պայմանագիրը բրիտանա-շվեդական AstraZeneca պատվաստանյութի մատակարարումների վերաբերյալ: Տեղեկությունը հաստատել է ներքին շուկայի հարցերով եվրահանձնակատար Տիերի Բրետոնը:
Որոշումը պայմանավորված է Եվրամիության կողմից պատվաստանյութ արտադրող ընկերության դեմ դատական հայցերով: Ընկերությանը եվրոպացի պաշտոնյաները մեղադրում են պատվաստանյութերի մատակարարումները ձգձգելու մեջ:
Օրեր առաջ Եվրահանձնաժողովի ղեկավար Ուրսուլա ֆոն դեր Լյայենը հայտարարել էր, որ 2021-2023թթ. համար 1.8 մլրդ դեղաչափի մատակարարման պայմանագիր են կնքելու գերմանա-ամերիկյան Pfizer-Biontech-ի հետ:
Պատրաստեց՝ Վիկտորյա ԱՆԴՐԵԱՍՅԱՆԸ
