«Կոմանդոսի» հետ վերջին անգամ պատերազմից երկու շաբաթ հետո հանդիպեցի: Իհարկե, նա ուներ ծրագրեր: Մարդը լցված էր մեր երեսուն տարվա արած գործի տանուլ տալու ցավով: Ոչ թե մենք պատերազմում պարտվեցինք, 5 հազար զոհ եւ այլն… էդպես հեշտությամբ ասում եք, բայց մենք 1988 թվականից պայքարել ենք մինչեւ այսօր»,- այսօր «Արկադի Տեր-Թադեւոսյանի անվան քաղաքացիական խորհուրդ» հայրենասիրական ՀԿ-ի համաժողովի ժամանակ ողջույնի խոսքում ասաց Հայերի համաշխարհային կոնգրեսի նախագահ Արա Աբրահամյանը:
Բանախոսի մատուցմամբ, 44-օրյա պատերազմից հետո հաճախ են զրուցել Արկադի Տեր-Թադեւոսյանի հետ, քննարկել իրավիճակը, եղածը եւ հանգել այն եզրակացության, որ հնարավոր է կայունացնել իրավիճակը եւ ստեղծել հզոր պետություն: «Այդ հնարավորությունները, որ քննարկում էինք, ինքն իր կողմից հավատ էր մեզ ներշնչում`այո, մենք կարող ենք լինել հզոր պետություն, այո, մենք կարող ենք ունենալ հզոր բանակ, մենք բոլոր նախապայմաններն ունենք, մենք պետք է ճիշտ հասկանանք»,- ասաց Արա Աբրահամյանը`հավելելով, որ այդ ամենը կարող է լինել միայն մի պարագայում, եթե մենք միասնական լինենք, ցանկանանք ունենալ հզոր պետություն եւ հզոր բանակ, այլապես ոչինչ էլ չի ստացվի:
«Եթե մենք այստեղ նախապայմաններ չստեղծենք՝ դրսից ոչ ոք չի օգնի: Մենք պետք է լինենք պրոֆեսիոնալ եւ ամեն մեկս իր գործն անի»,- հավելում է Արա Աբրահամյանը եւ իբրեւ Սփյուռքն ու Հայաստանը լավ իմացող մարդ` վստահ է. «Մենք կարող ենք»
Արկադի Տեր-Թադեւոսյանի հետ իր զրույցներից կրկին մանրամասներ է պատմում. «1990-ականներին հաղթեցինք, որովհետեւ կար պետություն, միասնական ոգի, բարոյական բարձր նորմեր, վստահություն միմյանց նկատմամբ: 1990-ականների մեր հաղթանակի պատճառներից մեկն էլ այն էր, որ շատ կարճ ժամանակի ընթացքում ֆիդայական ջոկատներից բանակ ստեղծեցինք, ի տարբերություն ադրբեջանցիների»:
Կարդացեք նաև
Իսկ իր կողմից հավելում է. «Մեզ հիմա չգիտեմ`որտեղ են տարել, որտեղ ենք գտնվում, բայց դա չի նշանակում, որ պետք է ասենք`այ էսպես է, վատ է: Այսօրվանից պետք է սկսենք մեր գործը եւ վերականգնելու բոլոր հնարավորություններն ունենք: Բոլորս միասին մեկ հայրենիք ունենք, բոլորս անելիք ունենք եւ յուրաքանչյուրս մեր գործը պիտի անենք»:
Այլ մանրամասները՝ տեսանյութում
Նելլի ԳՐԻԳՈՐՅԱՆ
