Ermenihaber. Թուրքիայի նախագահ Ռեջեփ Էրդողանը փոքրամասնությունների հոգևոր ու աշխարհիկ առաջնորդների հետ անցկացրած իֆթարի ընթացքում անդրադարձել է ԱՄՆ նախագահ Ջո Բայդենի կողմից Հայոց ցեղասպանության ճանաչմանը:
Իֆթարը հյուրասիրություն է, ընթրիք՝ ծոմապահությունից դուրս գալու համար: Անցկացվում է մուսուլմանների շրջանում ռամադան ամսվա օրերին:
Էրդողանը Սպիտակ տան ղեկավարի՝ Բայդենի հայտարարությունը անվանել է սխալ և անգիտակցաբար արված քայլ:
«Բայդենը շատ սխալ հայտարարություն է արել: Մեզ մոտ միլիոնավոր փաստաթղթեր կան: Բայդենի պես մտածողները թող գան ու նայեն»,- ասել է Թուրքիայի նախագահը:
Կարդացեք նաև
Անկարայի Չանքայա պալատում մատուցված իֆթարին հայ համայնքից մասնակցել են Պոլսո հայոց պատրիարք Սահակ արքեպիսկոպոս Մաշալյանը և Թուրքիայում «Հայկական հիմնադրամների միության» և Սուրբ Փրկիչ հիվանդանոցի հոգաբարձուների խորհրդի նախագահ Պետրոս Շիրինօղլուն:
