«Ժողովուրդ» օրաթերթը բացառիկ զրույց է ունեցել ԱԱԾ նախկին տնօրեն Կառլոս Պետրոսյանի հետ
-Կառլոս Խաչիկի, օրեր առաջ Հայաստանի նախագահ Սերժ Սարգսյանը ծավալուն հարցազրույց է տվել Հայաստանի ներքաղաքական կյանքի եւ 44-օրյա պատերազմի հետևանքների մասին: Եվ բավական հետաքրքիր ստացվեց այն գնահատականը, որ Սարգսյանը տվեց ՀՀ վարչապետ Նիկոլ Փաշինյանին: Իսկ կոնկրետ Սարգսյանը Փաշինյանին անվանել է «փոքր մարդ, որը մեծ ստվեր է գցում»: Դուք ինչպե՞ս կարող եք մեկնաբանել նման համեմատությունը:
– Դե ինչ, եկեք սկսենք նրանից, որ Նիկոլ Փաշինյանը մեծացել ու հասունացել է հենց Սերժ Սարգսյանի փոքր ու աննկատելի գործչի կողմից տրված հսկայական ստվերի տակ: Ուշադրություն դարձրեք, որ նախկին նախագահ Սարգսյանն ուղիղ հաստատել է, որ իր ղեկավարման դեմ իրականացվող ակցիաների սկզբում, որը կազմակերպվել էր հենց Փաշինյանի կողմից, մարդաշատ չէին եւ լուրջ մտահոգություններ չէին առաջացնում նույնիսկ այն ժամանակ, երբ ընդդիմությունը բռնությամբ գրավեց Հանրային ռադիոյի շենքը:
Այսինքն, այն ստվերը, որն այդ պահին նետում էր Նիկոլ Փաշինյանը, Սերժ Սարգսյանի համար այնքան էլ մեծ չէր թվում: Նույնը, բառացիորեն եւ փոխաբերական իմաստով, չի կարելի ասել այն «ստվերի» մասին, որ Սերժ Սարգսյանն ինքն իր ներկայությամբ բերեց Հայաստանի քաղաքականություն: Եվ հենց նրա մեծ ստվերից էլ Փաշինյանի հեղափոխությունը սկսվեց` մաքրելով Հայաստանում պետական իշխանության համակարգը եւ տանելով պատերազմի:
Կարդացեք նաև
-Դուք նկատի ունեք «ստվերային տնտեսությո՞ւնը»:
-Եվ դա նույնպես: Խոսելով «ստվերային տնտեսության» մասին, պետք է ինքդ քեզ հաշվետվություն տաս, որ այն չի առաջանում դատարկ տեղում: Ստվերային ֆինանսներն առաջանում են անօրինական առեւտրից, մաքսանենգությունից կամ այլ տարբեր հանցագործ սխեմաներից՝ սկսած զենքերի եւ թմրամիջոցների վաճառքից, վերջացրած խաղամոլությունից: Այս բոլոր արատավոր երեւույթները դաժանորեն ծաղկում էին Սերժ Սարգսյան փոքրիկ գործչի հսկայական ստվերի ներքո: Նա թեկուզ մասամբ գլխավորել է այն սիստեմը, որը միտումնավոր եւ իր կամքով որպես ժառանգություն թողել էր Սերժ Սարգսյանը:
-Դուք ուզում եք ասել, որ Սերժ Սարգսյանն ինքնակա՞մ է հեռացել: Չէ՞ որ նրա հրաժարականի մոտիվացիան զանգվածային անհնազանդության ակցիաներն էին, որոնք գլխավորում էր հենց Փաշինյանը:
-Ճիշտ է: Իսկ ինչպե՞ս սկսվեց այդ անհնազանդությունը եւ հասավ այդպիսի մասշտաբի: Ի վերջո, սա վերջնական գիծ է եւ արդյունք Սերժ Սարգսյանի եւ նրա Հանրապետական կուսակցության 10-ամյա կառավարման: Այսինքն ՝ լայն զանգվածների լիակատար հիասթափություն, տնտեսական փլուզում եւ ռազմաքաղաքական փակուղի: Ահա թե ինչով ավարտվեց գրոսմայստեր Սարգսյանի «շախմատային խաղը»: Եվ այս ողբալի արդյունքին միայն մեկ բան կա ավելացնելու. Սարգսյանը դավաճանել է բոլոր նրանց, ում հնարավոր էր դավաճանել եւ նաեւ Հայաստանում՝ իր մերձավոր շրջապատում եւ արտերկրում եւս՝ մեր երկրի միջազգային գործընկերների շրջանում եւս: Նա ղարաբաղյան խնդրի շուրջ բանակցությունները փակուղի մտցրեց ՝ բանակցությունների սեղանի շուրջ իր ներկայությամբ, երբ նրան թվաց, որ լրջորեն բանակցում են իր հետ, եւ նա ամեն ինչ վերածեց ֆարսի ու պոկերի ՝ բլեֆ անելով եւ խաղադրույքներ հավաքելով այնտեղ, որտեղ դա կտրականապես պետք չէր անել:
Եվ հիմա նա հանդգնություն ունի վստահեցնել, որ Հայաստանի կողմից բանակցողի փոփոխության դեպքում ԵԱՀԿ Մինսկի խմբի համանախագահները կարող էին Երեւանի համար անբարենպաստ պայմաններ առաջարկել:
Ընդհակառակը, ես կարծում եմ, որ եթե Սերժ Սարգսյանը կյանքում գոնե մեկ անգամ կատարել իր խոստումը եւ չառաջադրել իր թեկնածությունը վարչապետի պաշտոնում, այլ երկրի ղեկավարումը փոխանցել խորհրդարանական ընտրությունները հաղթած եւ ֆավորիտ համարվող Կարեն Կարապետյանին, ապա համանախագահները կպաշտպանեին նրան եւ հանդես կգային ավելի կառուցողական նախաձեռնություններով:
Մանրամասները՝ սկզբնաղբյուր կայքում
Այդ ,,ստվերը,,մեծացել է նաև ԱԱԾ-ի անտարբերության ,,շնորհիվ,,….