ԱԺ նիստում այսօր ՀՀ դատախազության 2020թ․-ի տարեկան հաղորդման ներկայացման ժամանակ անդրադառնալով ՀՀ սահմանադրական դատարանի՝ 300․1 հոդվածը հակասահմանադրական ճանաչելու մասին որոշմանը՝ ասաց գլխավոր դատախազ Արթուր Դավթյանը։
Հիշեցնենք, որ այդ հիմքով դադարեցվեց քրեական հետապնդումը երկրորդ նախագահ Ռոբերտ Քոչարյանի եւ մյուս նախկին բարձրաստիճան պաշտոնյաների հանդեպ։ Արթուր Դավթյանը նախ շեշտեց, որ քննությամբ ձեռքբերված տվյալները վկայում են մեղադրյալների կողմից լիազորություններն անցնելու, հանցավոր գործողություններ կատարելու մասին, ինչն առաջացրել է հետեւանքներ․ «Սահմանադրական կարգի տապալման, վերացման մասին է խոսքը, որը որակվեց այդ հոդվածով եւ ճիշտ էր այդ որակումը։ Հետո բարձրաձայնվեց սրա որոշակիության հարցը։ Այդ հոդվածը բարեփոխվել է Վենետիկի հանձնաժողովի դրական եզրակացությամբ։ Դատախազն ինչպե՞ս կանխատեսեր հակառակ ելքը։ Ճիշտ ենք որակել։ Մեր սահմանադրական դատարանը, թույլ տվեք ասել, Հռոմի պապից ավելի կաթոլիկ գտնվեց եւ անկանխատեսելի կերպով վարվեց այսպես։ Պետական ինստիտուտ է, հարգանքով եմ վերաբերվում, բայց իմ դիրքորոշումն այսպիսին է»։
Կարդացեք նաև
Լուիզա ՍՈՒՔԻԱՍՅԱՆ
